Китап - роман

Автор: Марат Кәбиров

Электрон китап

Формат: pdf, fb2, rtf, rb, lit, pdb, exe

китап татар телендә

Әгәр бу китапны укырга җыенсагыз, тормыштагы кыйммәтләр турындагы фикерегезне үзгәртертү мөмкинлегенә әзер булыгыз. “Китап” кабат-кабат укый торган роман түгел, әмма аның тәэсир көчен тату өчен бер кат уку да җитә.

Кеше бай, матур тормышта яши. Әмма аның күңеле эзләнә, нидер җитми, шушы муллык эчендә ул үзен ялгыз һәм кирәксез итеп тоя. Ул моның сәбәпләрен эзләргә мәҗбүр. Ә эзләгән кешенең күзләре үткен була - ул үзен уратып алган дөньяның сәерлегенә игътибар итә. Һәм әлеге тормышның бары тик иллюзия гына икәненә төшенә. Асылда ул күптән зомбига әверелгән. Ниндидер көч аны үз максатларында файдалана. Ә үзенең нинди хәлдә икәнен аңламасын өчен аның аңын яшәүгә охшаш иллюзиялар белән туйдыра.

Бу китап капма-каршылыклы төшенчәләрне бербөтен итүгә ирешкән. Чарасызлык һәм өмет, кансызлык һәм изгелек, төшенкелек һәм тыелгысыз яшәү теләге... "Китап"та авторның башка әсәрләрендәге кебек үк аяусыз кырыс картиналар күп булса да урыны-урыны белән елмаерга мәҗбүр буласың, ә кайвакыт нечкә хисләр үткенлегеннән күзгә яшь килә.