Кырыкка җитәргә дүрт ел гына калып барган хатын-кызны нәрсәләр борчырга мөмкин? Янында  - терәк-таяныч булып яшәүче ире, абруйлы шәхес. Акчага кытлык кичермиләр - ни теләсәләр шуны алырлык мөмкинлекләре бар. Бер карасаң, бар да соклангыч.

Әмма хатынның күңеле тыныч түгел, ул үзен кирәксез итеп тоя. Ул яшәмидер, гомеренең иң күңелле мизгелләре читтән узып барадыр сыман. Эшкә бара, эштән кайта. Гаиләдә - ире. Хатыны өчен өзелеп торса да аның тормышына әлләни шатлык өсти алмый.

Кияүгә чыгуы да ничектер сәер генә булды. Бик үк яратып та түгел бугай инде. Ул аның елмаюына гашыйк иде. Шул елмаю эсир итте. Ә калганы... Гаилә тормышлары гомер буена ничектер соры булды. Бер сүз белән генә әйтергә кирәк булса – ялкыткыч бертөрлелек.

Менә шундый күңелсез уйлар эчендә яшәгәндә, ул Аны очрата. Һәм гашыйк була. Бар дөньясын онытып. Ул моны күкләр тарафаныннан җибәрелгән бәхет дип кабул итә.

Әмма бу мәхәббәт бик тә кыска гомерле һәм аянычлы булып чыга...